सामाजिक सञ्जाल प्रतिबन्ध तथा भष्ट्राचार बिरुद्ध आन्दोलन, देशभर आन्दोलन चर्कियो । 
काठमाडौं – नेपाल सरकारले फेसबुक, युट्युब, इन्स्टाग्राम, एक्स (ट्विटर), व्हाट्सएप, लिंक्डइन, रेडिट, सिग्नलसहित २६ वटा सामाजिक सञ्जाल प्रतिबन्ध लगाएको घोषणा गरेपछि देशभर तीव्र विरोध सुरु भएको छ। आन्दोलन अहिलेसम्मकै सबैभन्दा ठूलो स्वरूप लिँदै गएको छ।
प्रदर्शनका क्रममा अहिलेसम्म कम्तीमा १९ जनाको ज्यान गएको छ भने सयौं घाइते भएका छन्। आन्दोलन विशेषगरी जेनरेशन–जेड (Gen Z) युवाहरूले नेतृत्व गरिरहेको बताइएको छ।
काठमाडौंसहित पोखरा, बुटवल, विराटनगर, दमकलगायतका ठूला शहरमा हजारौंको संख्यामा युवा सडकमा उत्रिएका छन्। उनीहरूले “भ्रष्टाचार बन्द गर, सामाजिक सञ्जाल खोल” र “भ्रष्टाचार विरुद्ध युवा” भन्ने नारासहित र्याली निकालेका छन्।
प्रदर्शन नियन्त्रण गर्न प्रहरीले अश्रुग्याँस, पानीको फोहोरा, रबरका गोली, यहाँसम्म कि वास्तविक गोलीसमेत चलाएको छ। यसबाट हिंसा झन् बढेको र प्रदर्शनकारी झन् आक्रोशित बनेको देखिन्छ।
यसैबीच आन्दोलन चर्किएपछि गृहमन्त्री रमेश लेखकले पदबाट राजीनामा दिएका छन्।
घटनाको नैतिक जिम्मेवारी लिदै गृहमन्त्री लेखक ले राजिनामा दिएका छन भने समाजिक सञ्जालमा राजिनामा मात्र होइन घटनाको सत्यतथ्य पत्ता लगाइ दोषि माथि कडा कारबाही हुनुपर्ने सामजिक सञ्जाल भरि देख्न सकिन्छ भने सामजिक सञ्जाल प्रयोगकर्ता हरुले आजको दिन लाई कालो दिन को रुपमा लिएको पोष्ट हरु प्रयाप्त देख्न सकिन्छ।
सरकारले सेप्टेम्बर ४ बाट नयाँ कानुन लागू गर्दै नेपालमा दर्ता नभएका सामाजिक सञ्जालहरू प्रतिबन्ध गर्ने निर्णय गरेको हो। सो निर्णयअनुसार टिकटक र भाइबर भने दर्ता भएकाले खुला रहेका छन्।
धेरैले यो प्रतिबन्धलाई अभिव्यक्ति स्वतन्त्रता माथिको अंकुश र युवाहरूले सामाजिक सञ्जालमार्फत उजागर गरेका भ्रष्टाचार तथा नातावाद ढाकछोप गर्ने प्रयास का रूपमा व्याख्या गरेका छन्।
विशेषज्ञहरूको भनाइमा, यो आन्दोलन केवल सामाजिक सञ्जाल खोल्ने माग मात्र नभई नेपालका युवाहरूको सरकारप्रतिको आक्रोश, भ्रष्टाचारविरुद्धको असन्तोष, र भविष्यप्रतिको असुरक्षा को प्रतिविम्ब हो।
